Həzrət Abbas (əleyhisəlam)
Abbas ibn Əli ibn Əbu Talib (Ərəbcə: العباس بن علي بن أبي طالب عليه السلام) (61-26 hicri qəməri), Əbulfəzl adıyla tanınan, imam Əlinin (ə) beşinci oğlu və Ümmül-Bəninin ilk övladıdır. Həyatının ən mühüm məqamlarından biri, Kərbəla hadisəsində olması və aşura günü şəhidlik zirvəsinə ucalmasıdır. Onun həyatı haqqında hicri tarixi ilə 61-ci il Məhərrəm ayına qədər lazımi qədər məlumat əldə yoxdur, yalnız bu həddə ki, Siffeyn müharibəsində iştirak etmişdir.
O, Kərbəla hadisəsində, İmam Hüseyn (ə) qoşununun bayraqdarı və başçısı olmuş və Fərat çayından, imam Hüseynlə (ə) birlikdə olan insanlar üçün su gətirmişdir. Abbas qardaşları ilə birlikdə, Übeydullah ibn Ziyad tərəfindən olan iki əmannaməni rədd edərək, imam Hüseyn (ə) qoşununda döyüşərək şəhid olmuşdur. Bəzi “Məqtəl” kitablarına əsasən, O, iki əlini itirmiş və başına dəmir parçası ilə vurulma nəticisində şəhid edilmişdir. Bəziləri, imam Hüseynin (ə) onun (şəhid olduğu zaman) başı üstündə ağladığını yazır.
Bəzi mənbələrdə onun uca boy, xoş simalı olduğunu vəsf edirlər. Hədislərdə şiə imamları, həzrət Abbas (ə) üçün cənnətdə uca məqam sahibi olduğunu bildirmişlər. Ondan bir çox kəramətlər nəql olunmuşdur o cümlədən, insanların hacətlərinin rəva olmasıdır ki, şiə və müsəlman olub-olmamaqlarından asılı olmayaraq.
Şiələr həzrət Abbasın (ə) yüksək mənəvi məqam sahibi olduğuna inanırlar; onu Babəl-həvaic (hacətlər qapısı) adlandırır və ona təvəssül edirlər. Həzrət Abbasın (ə) hərəmi (ziyarətgahı) imam Hüseynin (ə) hərəmi yaxınlığında yerləşir və şiələrin ən mühüm ziyarət məkanlarından biri sayılır. Bundan əlavə, şiələr onu Kərbəla səqqası olaraq xatırlayır və tasua günü, Məhərrəm ayının doqquzuncu gününü həzrət Abbasa (ə) ixtisas verərək əzadarlıq edirlər. Bu gün İranda ümumi tətil olunur və həmçinin İranda həzrət Abbasın (ə) doğum gününü, “qazilər” günü adlandırmışlar. Bir çox məkanlar o cümlədən Səqqaxanə, Abbasiyə və Səqqanifar həzrət Abbasın (ə) adı ilə tikilmişdir.
Həzrət Abbas (ə) haqqında mənbələrin azlığı
Bəzi tədqiqatçılar bildirirlər, Abbas ibni Əlinin (ə) Kərbəla hadisəsindən əvvəlki həyatı haqqında kifayət qədər tarixi məlumat əldə yoxdur, bunun üçün də onun neçənci ildə dünyaya gəlməsi və həyatı ilə bağlı çoxlu ixtilaflar vardır. Amerikalı İranşünas Çelkoviski, onun həyatını tarixin cəfəngiyatı və əfsanə bilir. Abbas ibni Əli (ə) haqqında müstəqil şəkildə kitablar yazılmışdır, onlardan çoxu hicri-qəməri tarixi ilə 14 və 15-ci əsrlərə aiddir; o cümlədən: Əbdul Vahid Müzəffər, üç cildli “Bətəlul-Əlqəmi” toplusunun müəllifi (vəfat 1310, h.q); Məhəmməd İbrahim Kəlbasi Nəcəfi “Xəsaisul Əbbasiyyə” kitabının müəllifi, (vəfat 1362 h.q); Məhəmməd Əli Ordubadi, “Həyatu Əbil Fəzlil Əbbas” kitabının müəllifi (vəfat 1380 h.q); Musəvi Muqərrəm, “Qəmər Bəni Haşim” adlı kitabın müəllifi, (vəfat 1391 h.q) və Rəbbani Xəlxali, “Çohreye derəxşane Qəməre bəni Haşim” kitabının müəllifi, (vəfat 1389 h.ş)
Ad və nəsəb
Abbas ibni Əli ibni Əbu Talib, məşhur Əbulfəzl künyəsi ilə tanınır, imam Əlinin (ə) beşinci oğlu və Əli ibni Əbu Talibin, Ümmül Bəninadıyla tanınan, Fatimə binti Hizamla ailə hayatı qurduqdan sonra dünyaya gəlmişdir. Abbas Ümmül-Bəninin ilk övladıdır.
Anası
Abbasın anası, Əqilin vasitəsilə ki, nəsəbşünas idi, imam Əliyə (ə) məsləhət görülmüşdür. İmam Əli (ə) Əqildən istəmişdi ki, onun üçün elə bir həyat yoldaşı seçsin ki, onun üçün şücaətli və dilavər övladlar dünyaya gətirsin. Bəziləri nəql edirlər, Aşura gecəsi Zuheyr ibni Qəyn, Şimr tərəfindən olan əmannamə xəbərinin eşitdikdə Abbasa dedi: Ey Əmirəl-mömininin oğlu, atan evlənmək istəyəndə, əmin Əqilə dedi onun üçün dilavərlər nəslindən bir qadın seçsin ki, onun üçün dilavər və şücaətli övlad dünyaya gətirsin, elə bir övlad ki, Kərbəlada Hüseynə (ə) yavər olsun. Ordubadi təkid edir, Zuheyrlə Abbas (ə) arasında olan söhbəti “Əsraruş-şəhadət” kitabından başqa heç bir kitabda görməmişdir.
Künyələri
- Əbulfəzl: Abbasın ən məşhur künyəsidir. Bəziləri qeyd edirlər, Bəni Haşim tayfasında hər kimin adı Abbas olsaydı, Əbulfəzl deyilərdi, Abbasa uşaqlıq dövrlərindən də Əbulfəzl deyilərdi. Seyyid Əbdulrəzzaq Musəvi Muqərrəm “Əl-Cəridə fi usuli ənsabil Ələviyyin” kitabından nəql edir ki, Abbasın Fəzl adında övladı var idi, bunun üçün də ona Əbulfəzl deyirdilər.
- Əbulqasim: Abbasın Qasim adında övladı olduğu üçün, ona Əbulqasim də deyilirdi. Bu künyə Ərbəin ziyarətnaməsində də gəlmişdir.
- Əbulqirbə: Bəziləri düşünürlər ki, bu künyə, bunun üçün ona verilmişdir ki, Kərbəla hadisəsində bir neçə müşk su xeymələrə aparmışdır. Bu künyə bir neçə mənbədə qeyd olunmuşdur. Qirbə, “su müşkü” mənasını daşıyır.
- Əbulfərcə: Bu künyənin dəlili budur ki, həzrət Abbas, ona təvəssül edənlərin hacətlərini rəva edər. “Fərcə” çətinliklərdən qurtaran və kədəri aradan qaldıran deməkdir.
Ləqəbləri
Abbas üçün çoxlu ləqəblər qeyd olunmuşdur, onlardan bəziləri qədimi, digərləri isə müasirdir ki, insanlar bəzi sifətlərinə və fəzilətlərinə görə, ona nisbət vermişlər. Onun bəzi ləqəbləri ibarətdirlər:
- Qəməri bəni Haşim:
- Babəl-həvaic:Bağdadinin dediyinə əsasən, bu ləqəb bütün şiələr arasında, xüsusilə də İraq şiələri arasında məşhurdur. İnsanların əksəriyyətinin etiqadı budur ki, həzrət Abbasa (ə) təvəssül olunduqda, Allah onların istək və hacətlərini verir.[21]
- Səqqa: Bəzilərinin fikrincə, bu ləqəb tarixçilər və nəsəbşünaslar arasında məşhurdur.[22] Abbas, Kərbəlada hərəm əhli üçün üç dəfə su gətirmişdir.[23] Həzrət Abbasın (ə) rəcəzlərində bu ləqəbə işarə olunmuşdur, misal üçün “ənəl Əbbas uğdu bil-səqqa” Mən Abbasam, gecəni səqqa adıyla səhər edərəm.[24]
- Əl-şəhid:[25]
- Ələmdar və bayraqdar:[26]
- Babul Hüseyn: Bəziləri mükaşifəyə əsaslanaraq, “Seyyid Əli Qazi Təbatəbai” şiə arifi və bu xəbərin mənşəyidir ki, “həzrət Əbulfəzlil Abbas (ə) övliyaların Kəbəsidir” bu ləqəbi həzrət Abbasa vermişlər.[27]
Bioqrafiyası
Bəzi tədqiqatçıların fikrincə, həzrət Abbasın (ə) həyatı haqqında Kərbəla hadisəsinə kimi lazımi qədər məlumat əldə yoxdur.[28] Yalnız bu hadisə onun həyatından nəql olunur ki, Siffeyn müharibəsində iştirak etmiş və bir məqam da imam Həsənin (ə) dəfni zamanından qeyd olunmuşdur.[29] Digər bütün mətləblər Kərbəla hadisəsi ilə bağlıdır.[30]
Doğum tarixi
Doğum tarixi haqda ixtilaf vardır.[31] Bu ixtilafların mənşəyi ehtimal verilir, həzrət Abbasın atası, imam Əli (ə) şəhid edildiyi zaman, onun neçə yaşında olduğundan qaynaqlanır, bəziləri onun 16-18 yaş arası olduğunu bildirirlər.[32] Bəziləri isə onun 14 yaş və təklif yaşından az olduğunu bildirirlər.[33]
Məşhur nəzəriyyə budur ki, Abbas hicrətin 26-cı ilində, Mədinədə dünyaya gəlmişdir.[34] Ordubadinin dediyinə əsasən, qədim mənbələrdən də onun hansı gün və hansı ayda dünyaya gəldiyi haqda heç bir məlumat əldə etmək olur. Yalnız “Ənisuş-şiə” adlı kitabda ki, hicri-qəməri ili 13-cü əsrdə yazılmış bu kitab, onun doğum gününü Şaban ayının 4-ü qeyd edir.[35] “Xəsaisul Əbbasiyyə” kitabının müəllifi, heç bir mənbə qeyd etmədən yazır, dünyaya göz açdığında, imam Əli (ə) onu qucağına alıb Abbas adlandırdı və qulaqlarına azan-iqaməni oxudu, sonra isə qollarını öpüb ağladı, Ümmül-Bəninin cavabında ki, dəlilini soruşdu, dedi: Abbasın iki qolu, Hüseyn yolunda bədənindən ayrılacaq və Allah onun bu iki qolu qarşılığında axirətdə ona iki qanad əta edəcək.[36] Digər kitablar da bu mənbəyə əsaslanaraq, Abbasın iki qolunun düşməsi üçün imamın ağladığını nəql edirlər.[37]Həyat yoldaşı və övladları
Abbas, Abbas ibni Əbdulmütəllibin nəvəsi Ləbabəylə, hicri qəməri tarixi ilə 40-45-ci illər arasında ailə həyatı qurmuşdur.[39] Bəzi mənbələrdə, Ləbabənin atasının adı Ubeydullah ibni Abbas[40] qeyd olunmuşdur digər mənbələrdə isə Abdullah ibni Abbas[41] olaraq bildirilir. İbni Həbib Bağdadi, üçüncü əsr tarixçisi, Abbasın həyat yoldaşı Ləbabəni, Übeydullahın qızı bilir və Abdullahın qızı Ləbabəni isə Əli ibni Abdullahın həyat yoldaşı olaraq qeyd edir.[42] Ləbabə, Abbas üçün, Əbulfəzl və Ubeydullah adlarında iki oğul dünyaya gətirmişdir.[43] Onun şəhadətindən sonra isə Vəlid ibni Ütbə sonra isə Zeyd ibni Həsən ilə ailə həyatı qurmuşdur.[44]
Abbasın oğlu Ubeydullah, imam Səccadın qızı ilə evlənmişdir.[45] Bəzi tarixçilər, həzrət Abbasın digər övladlarının o cümlədən Həsən, Qasım, Məhəmməd və bir qızı olduğunu bildirirlər. Yazırlar, Qasım və Məhəmməd Aşura günü atalarından sonra şəhid edilmişdir.[46]
Deyilənlərə görə həzrət Abbasın nəsli, onun oğlu Abdullah və Abdullahın oğlu Həsən vasitəsilə davam tapmışdır. Həzrət Abbasın övladları, Ələvi tayfasının ən məşhur nəsli sayılmış və onlardan böyük bir hissəsi alim, şair, qazi və hakim olmuşlar.[47] Həzrət Abbasın nəslinin əhatəsi şimali Afrikadan İrana kimi tutmuşdur.[48] Bəziləri Abbasın nəslinin bu qədər geniş yayılmasının səbəbini, zalım hakimiyyətlərin üzündən, Abbasın övladlarının hicrət etməsində bilirlər.[49]Siffeyn müharibəsi
Abbasın Siffeyn müharibəsində hazır olması, son dövrlərdə yazılmış kitablarda nəql olunur. O, bu döyüşdə, Malik Əştərin rəhbərliyi altında Siffeyn döyüşündə, Fərata doğru hucum edib həzrət Əlinin (ə) qoşununa su gətirən şəxslər sırasında olmuşdur.[50] Bu son dövrlərdə təlif olunan kitablarda, Şam əhli olan ibni Şəsanın və onun yeddi oğlunun, Abbas tərəfindən öldürülməsi də Siffeyn müharibəsində baş verən hadisələr sırasında özünə yer almışdır.[51] Bəzi yazıçıların fikrincə, Şam camaatı ibni Şəsanın gücünü min atlı qoşun qarşısında görürdülər.[52] Bəziləri isə Abbasın Siffeyn döyüşündə olmasında şübhə edir və tarixlə uyğun olmadığını bildirirlər.[53]
Ordubadinin öz kitabında dediklərinə əsasən, imam Əlinin (ə) Abbasa vəsiyyəti və ona imam Hüseyn (ə) haqqında dediyi tövsiyələr, baxmayaraq ki, məşhurdur, amma sənədi yoxdur.[54]Kərbəla hadisəsində
- Əsas məqalə: Kərbəla hadisəsi
Abbas ibni Əlinin Kərbəla hadisəsində olması, onun hayatının ən önəmli məqamlarından biri sayılır və onun Kərbəla hadisəsində olan bu rolu Şiə üçün böyük əhəmiyyət daşıyır. Abbası, imam Hüseyn (ə) qiyamının ən mühüm şəxsiyyətlərindən bilirlər.[55] Bütün bunlara baxmayaraq, xüsusi şəkildə həzrət Abbas haqqında yazılmış bir çox kitablarda, tarixi və yaxud rəvayi xəbərlərdə, imam Hüseynin (ə) hicri qəməri tarixi ilə 61-ci ilin Məhərrəm ayından öncə, Mədinədən Məkkəyə sonra isə Məkkədən Küfəyə qədər hərəkəti zamanında, Abbas haqqında heç bir məlumat yoxdur.[56]
Məkkədə xütbəsi (çıxışı)
“Xətibi Kəbə” kitabının müəllifi, bir xütbəni həzrət Abbasa nisbət vermiş[57] və onun sənədini “Mənaqibi sadətəl kiram” kitabına istinad edərək təkid edir ki, bu kitabı görməmişdir.[58] Bu xəbərə əsasən həzrət Abbas Zil-hiccə ayının səkkizinci günü, Kəbə evinin üstündə xütbə etmiş və bu söhbətində imam Hüseynin (ə) məqamına işarə edərək, Yezidi şərab içən şəxs olaraq tanıtdırmış və insanları onunla beyət etməsinə görə tənqid etmişdir. O, bu çıxışı əsnasında bildirir, nə qədər ki, o həyatdadır, icazə verməyəcək bir kimsə imam Hüseyni (ə) şəhid etsin, imamın şəhadəti yalnız Abbası öldürdükdən sonra hayata keçə bilər.[59] Cuya Cahanbəxş, məqalələrindən birində, bu xütbəni ədəbi baxımdan intiqad edərək, onun müəllifinin və kitabın tanınmayan bir şəxs tərəfindən yazıldığını bildirərək, onu rədd edib təkid edir ki, bu macəra digər mənbələrdə də gəlməmişdir.[60]
Aşura gününün ələmdarı (bayraqdarı)
Həzrət Abbas (ə) Aşura günü, imam Hüseyn (ə) qoşununun ələmdarı idi. İmam (ə) Aşuranın sübh vaxtında bu məqamı ona həvalə etdi.[61] Bəzi məlumatlara əsasən, imam, Abbası meydana göndərmək üçün çağırdığında, onun ələmdar olduğunu ona xatırladır.[62]
Səqqalıq və su gətirməsi
Tarixi mənbələrə əsasən, o vaxt ki, düşmən suyu imam Hüseyn (ə) karvanının üzünə bağladı və susuzluq imamın əshab və ailəsini əldən saldı, imam, Abbası otuz atlı və iyirmi piyadə döyüşçü ilə, iyirmi su müşkiylə Fərat çayından su gətirməyə göndərdi. Onlar gecənin qaranlığından istifadə edərək Fərat çayına yaxınlaşdılar, lakin Ömər ibni Həccac və onun adamları, onların su götürmələrinə mane olmaq istəsələr də Abbas (ə) və onunla birlikdə olanlar, onları uzaqlaşdıraraq, özlərini Fərat çayına çatdırıb müşklərini su ilə doldurdular. Fərat çayından qayıtdıqları zaman, Ömər ibni Həccac və qoşunu, onlara hücum etdilər. Abbas (ə) və digər atlı əsgərlər onların qarşısını aldılar, piyada dəstə isə suyu xeymələrə çatdırdı.[63]
Əmannamənələri qəbul etməməsi
İmam Hüseynin (ə) karvanı kərbəlada olduğu müddətdə, düşmən Abbas və qardaşları üçün iki əmannamə gətirdi.
Abdullah ibni əbu Məhəli-nin əmannaməsi
Şimr ibni Zil-Cövşən, imam Hüseynlə (ə) döyüş və ya onun təslim olması naməsini ibni Ziyaddan alıb qəsrdən çıxarkən, Ümmül-Bəninin qardaşı oğlu və Şimrin köməkçilərindən olan Əbdullah ibni Əbi Məhəl, öz bibisi uşaqları, Abbas və onun qardaşları üçün Ubeydullah ibni Ziyaddan əmannamə alıb öz xadimi vasitəsilə imam Hüseyn (ə) xeyməgahına, Ümmül-Bənin övladlarına göndərdi. Onun elçisi Abbas və onun qardaşlarının hüzuruna çatdıqda dedi: Bu əmannaməni dayınız sizin üçün göndərib. Onlar cavabında dedilər: Dayımıza salamımızı çatdır və ona de bizim onun əmannaməsinə ehtiyacımız yoxdur, amma Allah bizim üçün ibni Süməyyənin əmannaməsindən daha üstündür.[64]
Şimr zil-Cövşənin əmannaməsi
Məhərrəm ayının doqquzuncu gecəsi, Şimr, Hüseynin (ə) əshabının qarşısında durub dedi: Bacım oğlanları haradadır?! Abbas, Cəfər və Osman xeymədən çıxaraq dedilər: Nə istəyirsən?! Şimr dedi: Siz amandasız. Onlar dedilər: Sən əgər bizim dayımızsansa Allah sənə və sənin əmannamənə lənət etsin, sən peyğəmbər balasını yaddan çıxarıb yalnız bizim üçün əmannamə gətirmisən![65]
İbni Əsəm (vəfat 316 h.q) bir xəbərdə bu cür nəql edir: Şimr, Ümmül-Bənin övladlarını səslədikdə, Hüseyn (ə) qardaşlarına dedi: Ona cavab verin baxmayaraq ki, fasiqdir, amma o sizin dayınız sayılır. Həzrət Abbas (ə) və qardaşları Şimrə dedilər: Nə istəyirsən? Şimr dedi: Ey bacım uşaqları! Siz amandasız. Özünüzü Hüseynlə ölümə aparmayın və əmirəl-möminin Yezidə itaət edin. Bu zaman Abbas ibni Əli dedi: Ölüm olsun sənə ey Şimr! Alah sənə də əmannamənə də lənət etsin; ey Allahın düşməni! Bizə deyirsən qardaşımızdan əl çəkib düşmənə itaət edək?![66]
İbni Kəsirin (vəfat 774 h.q) verdiyi digər bir xəbər, qədim mənbələrin əksi olaraq bu cür nəql olunur: Hüseynin (ə) qardaşları, Şimrə dedilər: Sən əgər bizə və qardaşımız Hüseynə (ə) aman versən, biz də sənin əmannaməni qəbul edərik, əks təqdirdə sənin əmannamənə ehtiyacımız yoxdur.[67] Amma qeyd etmək lazımdır ki, ibni Kəsirin və ibni Əsəmin xəbərləri, tarixi baxımdan son zamanlara təsadüf etdiyindən və məzmun cəhətindən, etimad ediləcək həddə deyil, o cür ki, qədim mənbələrdə gələn xəbərlərin də əksinədir.[68]
Abbasın qardaşlarının şəhadəti
Bəzi tarixi məlumatlara əsasən, imam Əlinin (ə) Ümmül-Bəninlə ailə hayatı qurduqdan sonra, Abbas, Cəfər, Abdullah və Osman adlarında dörd oğulları olmuşdur.[69] Aşura günü, Abbas öz qardaşlarını mübarizə etməyə təşviq etmişdir. Bu xəbər, tarixi mənbələrdə iki cür öz əksini tapır.
Gedin ki, mən irs aparım
Bir xəbərə əsasən ki, (Əbu Hənifə 157 h.q); (Təbəri 310 h.q); (İbni Əsir 630 h.q) nəql edirlər: Həzrət Abbas, Aşura gününün əsr vaxtında, anadan bir olan qardaşları Abdullah, Cəfər və Osmana dedi: Ey anam balaları, gedin meydana ki, mən sizdən irs aparım, çünki sizin övladınız yoxdur, odur ki, onlar da bunu edib, şəhid oldular.[70]
Amma bu xəbər, bəzilərinin fikrincə yalnışdır, çünki o şəraitdə Abbas (ə) da bilirdi öldürüləcək və irs istəmək mənasız idi.[71] Bundan əlavə, bu xəbər irs qanunu ilə də müxalifdir, çünki Ümmül-Bəni hayatda olduğu üçün və Abbasın qardaşlarının heç birinin ailə-uşağı olmadığı halda, irs həzrət Abbasa deyil, bəlkə Ümmül-Bənin özü övladlarının varisi olacaqdır.[72]
Sizin mübarizənizin şahidi olum
Digər tarixi bir xəbərdə, Şeyx Mofid (413 h.q); Təbərsi (548 h.q); İbni Nəma (645 h.q); İbni Hatəm (664 h.q) nəql edirlər: O zaman ki, Abbas ibni Əli (ə) gördü ki, onun ətrafında olanlardan çoxları şəhid oldu, qardaşları Abdullah, Cəfər və Osmana dedi: Ey anam övladları! Meydana gedin sizin mübarizənizin şahidi olum (Allah yolunda necə şəhid olursunuz); mən sizi Allah və onun rəsuluna nəsihət etdim və sizin övladınız yoxdur.[73] Mümkündür həzrət Abbas (ə) qardaşlarını döyüş meydanına özündən əvvəl göndərməsinin səbəbi bu olsun ki, onları cihada hazırlamasının və o cümlədən qardaşlarının şəhadətinə səbr etməsinin də savabına nail olsun.[74]
Aşura günündə rəcəzləri
Kərbəla hadisəsində, həzrət Abbasdan (ə) müxtəlif rəcəzlər nəql olunmuşdur;[75] o cümlədən:
- أقسَمتُ بِالله الأَعَزِّ الأَعظَم *** وَ بِالحَجونِ صادِقاً وَ زَمزَم
- وَ بِالحَطيمِ وَالفَنَا المُحَرَّمِ *** لَيُخضَبَنَّ اليَومَ جِسمي بِدَمي
- دونَ الحُسَينِ ذِي الفَخارِ الأَقدَمِ *** إمامُ أهلِ الفَضلِ وَالتَّكَرُّم [76]
And olsun o əziz və və uca olan Allaha və sadiqanə and olsun Hucuna və Zəmzəmə. And olsun Allahın evinə və məscidul həramın ehtiramına, bu gün iftixar və fəsilət sahibi və kəramət-məqam sahiblərinin rəhbəri olan Hüseynin (ə) ayaqları altında peykərim qanıma boyanacaq.
- لا أرهَب الموتَ إذ الموتُ زقا *** حتى أُوارى في المصاليت لقا
- نفسي لنفس المصطفى الطُّهر وَقا *** اني أنا العباس أغدو بالسِّقا
- و لا أخاف الشر يوم المُلتقى *** و لا أخاف الشر يوم الملتقى [77]
Ölümün məni səsləyəcəyi andan qorxmuram, elə ki, təcrübə toplamış kişilərlə bir, torpaq üstümü örtsə. Canım seçilmiş pak Hüseynə (ə) fəda və sipərdir, mən Abbasam müşk ilə gecəni səhər edərəm, döyüş günündə düşmən şərrindən heç qorxum yoxumdur mənim.
- مرگ اگر مرد است گو نزد من آی *** تا در آغوشش بگیرم تنگ تنگ
- من از آن عمری ستانم جاودان *** او زمن دلقی ستاند رنگ رنگ [78]
Ölüm əgər mərddirsə de gəlsin sorağıma, onu sıx-sıx qucaqlayıb bağrıma basım, mən Ondan cavidan ömür istərəm, O mənim dəyərsiz cismimi (qiymətsiz vücudumdan) rəngarəng (bəzəkli gəlin) yaradar.
- وَاللهِ إن قَطَعتُمُ يَميني *** إنّي اُحامي أبَداً عَن ديني
- وعَن إمامٍ صادِقِ اليَقينِ *** نَجلِ النَّبِيِّ الطّاهِرِ الأَمين [79]
And olsun Allaha! Baxmayaraq ki, sağ qolumu vurub saldınız, amma mən həmişə öz dinimdən və peyğəmbərin pak və əmin balası, yəqinində sadiq olan imamdan himayət edəcəm.
Şəhadəti
Məhəmməd Hüseyn Müzəffərin yazdığına əsasən, əksər tarixçilərin nəzəri budur, həzrət Abbas (ə) Məhərrəm ayının 10-cu günü şəhid olmuşdur. Müzəffər iki digər nəzəriyyəyə də işarə edir ki, Məhərrəm ayının yeddinci və ya doqquzuncu günü şəhid olduğu bildirir, lakin onları zəif və yaxud nadir nəzəriyyə sayır.[80]
Həzrət Abbasın (ə), Aşura günü döyüşləri və necə şəhid olması haqqında müxtəlif rəvayətlər nəql olunmuşdur.[81] Bəzi mənbələrin yazdığına əsasən, Bəni Haşim və imam Hüseynin (ə) səhabələrinin ən sonuncusu şəhid olana qədər Abbas (ə) meydana getməmişdir.[82]
Şeyx Mofidin fikrincə, İmam Hüseyn (ə) və Abbas birlikdə döyüş meydanına getdilər, amma Ömər ibni Sədin qoşunu onlarin ikisinin arasında fasilə saldı. İmam Hüseyn (ə) yaralanaraq xeyməyə qayıtdı, Abbas isə tək başına ağır yaralanıb döyüş gücünü itirənədək döyüşdü. Bu zaman Zeyd ibni Vərqa Hənəfi və Hükəym ibni Tufeyl Sinbisi onu şəhid etdilər.[83] Şeyx Mofid bu hadisənin digər təfərrüatlarına işarə etməmişdir. Məqtəli Əbi Müxənnəfdə də həzrət Abbasın şəhadətinin təfərrüatlarına işarə olunmamışdır.[84] Məşhur olmayan Nahiyə ziyarətnaməsində, Yezid ibni Vəqqad və Həkim ibni Tufəyl Əl-Tai, həzrət Abbası qatilləri olaraq bildirilmişdir.[85]
Digər mənbələrə əsasən, bütün Bəni Haşim ailəsi və səhabələr şəhid olduqdan sonra, Abbas xeymələrə su gətirməyə səy göstərmişdir. O, Fərat çayına tərəf hücum edərək, mühafizəçilər arasından özünü Fərat çayına çatdırdı. Qayıtdığı zaman, düşmən ona həmlə etdi. O, xurma bağlarında düşmənlə döyüşüb xeymələrə doğru hərəkət edirdi, bu zaman Zeyd ibni Vərqa Cəhəni bir xurma ağacı arxasından çıxaraq, onun sağ qoluna zərbə endirdi. Abbas qılıncını sol əlinə alıb düşmənlə döyüşə davam etdi. Digər bir ağac arxasında özünü gizlədən Həkim ibni Tufeyl Tai, onun sol qoluna zərbə vurdu sonra isə dəmir parçası ilə həzrətin başına zərbə endirib, onu şəhid etdilər.[86]
Xarəzminin yazdığı xəbərə əsasən, Abbas şəhid olduğu zaman, imam Hüseyn (ə) özünü qardaşının cansız bədəninə çatdırıb şiddətlə ağlayaraq dedi: “اَلآنَ اِنکَسَرَ ظَهری وَ قَلَّت حیلَتی” İndi belim qırıldı, ümüdüm kəsildi.[87] Bunun üçün də Xarəzmi, Abbası döyüş meydanına gedən sonuncu şəxs bilmir.[88]
İmam Hüseynə (ə) xatir su içmir
Fəxruddin Tureyhi, (h.q 11-ci əsrin alimi) “Əl-Muntəxəb” kitabında yazır; Abbas, Fərat çayına çatdıqda, ovcunu su ilə doldurdu ki, içsin, amma onu üzünə yaxınlaşdırdıqda, Hüseynin (ə) susuzluğunu xatırladı, odur ki, suyu içmədi və müşkü suyla doldurub, susuz halda Fərat çayından ayrıldı.[89] Əllamə Məclisi də bu mətləbi, mənbəsini zikr etmədən Biharul-Ənvarda qeyd etmişdir.[90] Əhli-beyt şairi və mərsiyəxanı, Həbibullah Çayçiyan bu haqda belə yazır:
- کربلا کعبهی عشق است و من اندر احرام *** شد در این قبلهی عشاق دو تا تقصیرم
- دست من خورد به آبی که نصیب تو نشد *** چشم من داد از آن آبِ روان تصویرم
- [91]باید این دیده و این دست دهم قربانی *** تا که تکمیل شود حجّ من و تقدیرم
Kərbəla eşq Kəbəsidir, mən də ehram halında, oldu bu aşiqlər qibləsində iki təqsirim. Əlim dəyən su, sənə nəsib olmadı, gözüm verdi o axar sudan təsvirimi. Bu göz və əlimi gərək qurban verim ki, mənim həccimlə təqdirim kamil olsun.
Ordubadi, bir neçə şer və Nahiyeye müqəddəsə ziyarətnaməsindən bir hissəsini təhlil edərək, çalışır isbat etsin ki, bu hadisə baş vermişdir.[92] Cuya Cəhanbəxş, “mirasşünas”, qeydlərindən birində, bu hadisənin qədim mənbələrdə olmadığına təkid edir. Ehtimal verir, bu dastanın mənşəyi qədim rozəxanlardan olan “Məqatilul Talibin” olsun. Onda deyilir, Abbas bütün susuzluğuyla, suyu Hüseynə (ə) fəda etdi.[93]
Xüsusiyyətlər və Fəzilətlər
Bəziləri, həzrət Abbasın (ə) ən önəmli xüsusiyyət və fəzilətlərindən birini, imam Əli (ə), imam Həsən (ə) və imam Hüseynlə (ə) birlikdə olduğunu bilirlər.[94] Əbdulrəzzaq Müqərrəm “Əl-Əbbas” kitabında, “Əsrarul-şəhadət” kitabından bir cümləni, məsum imamlardan hədis ünvanıyla nəql edir ki, Abbas elm sahibi olmuşdur.[95] Cəfər ona şərh olaraq yazır “O, elm, təqva, itaət və ibadət cəhətdən, əhli-beytin böyük şəxsiyyətlərindən idi”.[96] Bəziləri düşünürlər, baxmayaraq ki, Abbas məsumlar məqamında deyildi, amma onlara ən yaxın insanlardan sayılırdı.[97] Həzrət Abbas (ə) beş məsum imamı görmüşdür; imam Əli (ə), imam Həsən (ə), imam Hüseyn (ə), imam Səccad (ə) və imam Baqiri (ə) və Kərbəla hadisəsində də olmuşdur.[98] Şəmsi ililə ondördüncü əsrdə yaşamış dini şerlər oxuyan, Seyyid Məhəmmədəli Riyazi, məruf şerlərindən birində bu fəzilətinə işarə etmişdir.
Müasir qələm sahibləri yazırlar ki, özünü iki böyük qardaşları, yəni imam Həsən və imam Hüseynlə bir məqamda görməz və həmişə onları öz imamı bilərdi, odur ki, özünü onların qarşısında təvazökar və onları özünə rəhbər bilərdi,[99] onları hər zaman “yəbnə Rəsuləllah” və yaxud “ya seyyidi” kimi xitab edərək səsləyərdi.[100]
Kəlbasi “Xəsaisul Əbbasiyyə” kitabında yazır, həzrət Abbasın gözəl siması olduğu üçün onu Qəməri bəni Haşim adlandırırdılar.[101] Həzrət Abbasın qatilindən nəql olunur ki, deyir: Kərbəlada gözəl-göyçək bir cavanı öldürdüm, gözlərinin arasında (alnında) səcdə yerinin nişanəsi var idi.[102] Bəzi məlumatlara əsasən o, Bəni Haşim tayfasının tanınmış simalarından sayılırdı, güclü bədən, uzun boylu idi, bir həddə ki, ata minsəydi ayaqları yerlə gedərdi.[103]
Həzrət Abbasın (ə) digər fəzilətlərindən biri budur ki, Kəlbasi iddia edir dost və düşmən onu tərif etmiş və elə bir şəxs olmamışdır ki, onu inkar etsin, o da onun şücaəti idi.[104] Bəziləri, onun digər fəzilətlərindən kərəm və səxavət əhli olduğunu sayırlar, o cür ki, camaat arasında onun bu xüsusiyyəti, misala çevrilmişdir.
Abbasın Cənnətdəki məqamı və şəhidlərin ona qibtəsi
Abbası, Aşura günündə imam Hüseynin (ə) ən böyük və mühüm səhabələrindən bilirlər.[106] O, Kərbəla vaqiəsində, imam Hüseynin (ə) ələmdarı idi.[107] İmam Hüseyn (ə), Abbas haqqında “canım sənə fəda olsun qardaş” cümləsini işlətmişdir,[108] o cümlədən Abbasın cansız bədəni üzərində ağlamışdır.[109] Bəziləri, bu sözləri və hərəkətləri, Abbasın üçüncü imam yanında xüsusi mövqeyinin olmasına nişanə olaraq, qeyd edirlər.[110]
Hədislərdə, Abbasın (ə) behiştdə bu cür məqama sahib olmasına təkid olunmuşdur; bir rəvayətə əsasən, imam Səccad (ə) buyurur: Allah əmim Abbasa rəhmət etsin ki, özünü, qardaşı imam Hüseynə (ə) fəda etdi və bu yolda iki qolunu itirdi, odur ki, Allah bunun bu kəsilmiş qollarının əvəzinə ona axirətdə iki qanad verəcək, bu iki qanadıyla behiştdə mələklərlə birlikdə uçacaq o cür ki, Cəfər ibni əbu Talibə də iki qanad əta olunmuşdur.[111] İmam sonra əlavə edir, əmim Allah yanınında yüksək məqama sahibdir, qiyamət günü bütün şəhidlər ona qibtə edəcəklər.[112] Əbu Nəsr Buxari, imam Sadiqdən (ə) rəvayət nəql edir ki, o rəvayətdə Abbası (ə) “Nafizul-bəsirət” bəsirət sahibi kimi vəsf edir və onun möhkəm iman sahibi olduğunu bildirir, odur ki, imam Hüseynin (ə) yanında cihad edib şəhadət məqamına yüksəlmişdir.[113] Bu rəvayət digər mənbələrdə də nəql olunmuşdur.[114]Seyyid Əbdulrəzzaq Muqərrəm, “Məqtəlul Hüseyn” kitabında deyir: İmam Səccad (ə) Aşura hadisəsindən sonra, bütün Kərbəla şəhidlərini dəfn etmək üçün, Bəni Əsəd qəbiləsindən kömək istədi, amma imam Hüseyn (ə) və Abbası (ə) dəfn etmək üçün onlardan kömək istəmədi. Dedi: Bunları dəfn etmək üçün başqaları mənə kömək edirlər, sizin köməyinizə ehtiyac yoxdur.[115]
Ziyarətnamələr
“Pejuheş dər sire və simaye Əbbas ibni Əli” kitabının məlumatına əsasən, müxtəlif kitablarda, həzrət Abbas (ə) haqqında onbir ziyarətnamə nəql olunmuşdur[116] ki, onlardan bəziləri, digər ziyarətnamələrin xülasəsi olaraq bildirilir.[117] Qeyd olunan onbir ziyarətnamədən, üçü imam Sadiqdən (ə) nəql olunmuş[118] və bəzilərinin isə məsum imamlardan nəql olunması barəsində şübhələr vardır.[119]
Bu ziyarətnamələrdə, həzrət Abbası (ə) təmcid edən ibarətlər zikr olunmuşdur, misal üçün “Əbdi Saleh” o cümlədən bir şəxs ki, peyğəmbərin canişini qarşısında təslim olub onu təsdiq edərək ona vəfadar olmuşdur, Allah, peyğəmbər və imamlar qarşısında itaətkar olmuşdur. O bir şəxsdir ki, Bədr döyüşündə olanlar və mücahidlər kimi, Allah yolunda hərəkət etmişdir.[120] Bəziləri isə həzrət Abbas haqqında olan “Nahiyeye müqəddəsə” ziyarətnaməsinin müəyyən məqamlarını sitat gətirərək, onun imam Zamanın (ə) dilində uca məqam sahibi olduğunu bildirirlər.[121]
Həzrət Abbasın kəramətləri
Həzrət Abbasın kəramətləri, Şiə arasında məşhurdur, həzrət Abbasın vasitəsilə xəstələrin şifa tapması və digər çətinliklərin həll olması dastanları insanlar arasın geniş şəkildə yayılmışdır. “Dər kənare Əlqəme kəramatul Əbbasiyə” kitabında, bu cür dastanlardan 72 dastan toplamışdır.[122] Rəbbani Xəlxali də “Çöhreye derəxşan Qəməri bəni Haşim” kitabında həzrət Abbasdan təqribən səkkizyüz kəramət toplamış və hər bir cilddə 250 dastan nəql etmişdir. Baxmayaraq ki, bəzi dastanlar təkrar gətirilmişdir. Bu mənbələrə əsasən, həzrət Abbasın (ə) kəramətləri təkcə şiələrə aid olmamışdır bəlkə digər əqidə və dinlərdə olan insanlar, o cümlədən sünni məzhəbi, məsihilər, Kuleymilər və Zərtuştlar haqqında olmasını da nəql etmişlər.
Abbas (ə) şiə mədəniyyətində
Məşhurdur ki, şiələrin həzrət Abbasla (ə) mehribancasına rabitələri vardır, on dörd məsumdan sonra onun üçün ən yüksək məqama inanırlar. Məhəmməd Bağdadi kitabının bir fəslini, şiələrin həzrət Abbasla olan irtibatlarına ixtisas vermiş və şiələrin Abbasa olan əlaqə və məhəbbətlərinin nə qədər yüksək və açıq-aşkar olduğunu bildirir. Bu irtibat səbəb olmuşdur ki, şiə mədəniyyətində həzrət Abbas (ə) təvəssül məclislərində, əzadarlıqlarda və digər mərasimlərdə mühüm mövqe daşısın.
Həzrət Abbasa (ə) təvəssül etmək
Şiələr arasında həzrət Abbasın (ə) xüsusi yer tutduğu üçün, insanlar öz hacətlərini almaqda, həzrət Abbasa təvəssül edib onun üçün nəzirlər edirlər. Bəziləri də həzrət Abbasın əhli-sünnə, məsihilər, kəlimilər haqqında olan kəramətlərindən danışırlar.
Tasua gününün əzadarlığı
Məhərrəm ayının ilk on günlük məzhəbi əzadarlığında, Məhərrəm ayının doqquzuncu gününü, Tasua günü olaraq Həzrət Abbas (ə) üçün əzadarlığa ixtisas verilir ki, Aşura günündən sonra, əzadarlıq üçün şiələr arasında ikinci ən mühüm gün kimi məscidlərdə, dəstələrdə və evlərdə qeyd olunur. Bu günü İran və bir sıra islam ölkələri tətil elan edir. Bu mərasimlərdə həmişə icra olunan proqramlardan biri də “iki nəfəs” hazırlıqıdır ki, burada imam Hüseyn (ə) əzadarları iki dəstəyə ayrılıb, bir dəsdə ilk misranı dedikdə digər dəstə ikinci misranı oxuyurlar.
- ای اهل حرم میر و علمدار نیامد، علمدار نیامد *** سقای حسین(س) سید و سالار نیامد، علمدار نیامد
- Ey əhli hərəm, miro ələmdar nəyaməd, ələmdar nəyaməd
- Səqqayi Hüseyn (ə) seyyido salar nəyaməd, ələmdar nəyaməd
- ای اهل حرم میر و علمدار نیامد، علمدار نیامد *** سقای حسین(س) سید و سالار نیامد، علمدار نیامد
Zəncan şəhərində “Yəvmul Əbbas” Abbas günü: Hər il Məhərrəm ayının səkkizinci günün, gün batan vaxtı, əzadarlardan ibarət böyük bir cəmiyyət, Zəncanın Əzəm Hüseyniyyəsi ilə imamzadə Seyyid İbrahim ziyarətgahı arasında olan fasilədə toplaşaraq nohə deyib, əzadarlıq edirlər. Deyilənlərə görə, camaatın etdiyi nəzirlər sayəsində, şəmsi ililə 1396-cı ildə 9700 və 1395-ci ildə isə oniki mindən çox qurbanlıq qoyun kəsilmişdir. Son illərdə, hər il bu mərasimdə təxmini beş yüz min insan iştirak edir. Bu mərasim, İranın mənəvi irslərindən biri kimi qeydə alınmışdır.
“Ya Kaşifəl-kərb” zikri
Bu zikr, «یا کاشفَ الکَرْبِ عنْ وَجهِ الْحُسَین اِکْشِفْ کَرْبی بِحَقِّ أَخیکَ الحُسَین» “Ey Hüseynin (ə) üzündən qəm-qüssəni götürən, qardaşın Hüseynin (ə) haqqına xatir, mənim də cətinliklərimi həll et” həzrət Abbasa (ə) təvəssül zikri olaraq məruf olmuşdur, bəzi vaxtlar tövsiyə olunur bu zikr 133 dəfə (əbcəd hesabıyla “Abbas”ın adı ibarətdir: ع =70; ب =2; ا = 1; س =60) deyilsin. Bu zikr şiənin hədis kitablarında nəql olunmuşdur.
Digər mərasim və atributlar
- Ələm gəzdirmək: Ələm (bayraq) gəzdirmək, imam Hüseyn (ə) əzadarlığı mərasimlərində Kərbəla ələmdarı həzrət Abbası (ə) xatırlamaq üçün olan atributlardan biri sayılır.
- Səqqalıq (su paylamaq): Əzadarıq günlərində xüsusilədə Tasua və Aşura günlərində icra olunan digər bir mərasim isə, şəxsin (həzrət Abbasın) məqam və mənzilətini vəsf etmək üçün icra olunan proqramdır. Bu atribut bəzi vaxtlar mərasimə toplanan insanlar tərəfindən birlikdə oxunan şeirlərlə baş tutur, bəzi vaxtlar isə əzadarlıq mərasimi keçirilən zaman və camaatın hərəkət etdiyi yollarda insanlar arasında “səqqanın” susuz insalara su paylaması ilə həyata keçirilir; ilk işarə olunan atributun keçirilmə şəraiti budur ki, özünə məxsus şer və mədhlər vardır; amma ikinci qayda budur ki, “səqqa”-lar özlərinə məxsus libaslar geyib, küzə və yaxud müşklə, əzadarlıq məclisinə gələn insanlara su paylayırlar. Bu dəstələrdə iştirak edən insanlar, səqqa olmaq üçün, öz üzərlərinə səqqalıq əlaməti olan əşyalar asırlar. Onlar bir əlləri ilə çiyinlərindən asdıqları su ilə dolu müşkün ağzını tutub digər bir əllərində isə cam ilə, əzadarlar arasında gəzib-dolanıb susuz insanlara su verib, susuz imam Hüseyn (ə) və o həzrətin əshabı haqqında şerlər oxuyurlar ki, su içən şəxs bu əsnada, daha çox imamı və səhabəsini xatırlasın; misal üçün Fars şəhərinin Servistan məntəqəsində bu şeri oxuyurlar:
- آبی بنوش و لعنت حق بر یزید کن *** جان را فدای مرقد شاه شهید کن
- İç suyu, Allahın lənətin et Yezidə; Canını şəhidlərin ağası, qəbrinə fəda et.
Səqqalıq (su paylama) atributu İran və İraqın bir çox şiə yaşayan şəhərləində geniş şəkildə yayılmışdır. Səqqalıq mədəniyyətinin təsirini, həzrət Abbasın (ə) adı ilə tikilmiş bir çox səqqaxanələrdə müşahidə etmək olar.
- Həzrət Abbasa and içmək: Həzrət Abbasa and içmək, Şiə və Əhli-sünə məzhəbləri arasında geniş şəkildə özünə yer tutmuşdur, bəziləri nəql edirlər ki, Şiələr öz aralarında olan ixtilafa son qoymaq üçün həzrət Abbasa (ə) and içirlər. Hətta bəziləri, həqiqi and içməyi, həzrət Abbasın (ə) adına and içməkdə bilirlər. Şiələr arasında bəzi tayfalar, öz aralarında olan müqavilələrin, daha etibarlı və möhkəm olması üçün həzrət Abbasa and içməklə təsbit edirlər. Həzrət Abbasa and içilməsinin bu qədər önəmli olmasının səbəbi, onun şücaətli, vəfadar, qeyrətli, ədəbli və mərd olmasındadır. Deyilənlərə görə, həzrət Abbasa (ə) and içilməsinə ən çox sünnü məzhəbi davamçıları, xüsusilə də İraqda yaşayan sünnüləri etibar edir; o cümlədən İraqın sabiq müdafiə naziri Hərdan Təkriti deyir, Əhməd Həsən Əlbikr (İraqın keçmiş prezidentlərindən), Səddam və digər bir neçə nəfər istədilər birlikdə bir müqavilə imzalasınlar, amma bu müqaviləni daha möhkəmlətmək və bir birlərinə xəyanət etməmək üçün, bu qərara gəldilər ki, and içsinlər. Baxmayaraq ki, bəziləri and içməyə Əbu Hənifənin dəfn olunduğu yeri məsləhət gördü, amma son nəticələri bu oldu ki, həzrət Abbasın (ə) hərəminə gedib orada and içsinlər.
- Əbulfəzl süfrəsi: Süfrə ya nəzir süfrəsi, bir növ şiələrin nəzirləri və qadın mərasimləridir ki, orada ehsan süfrəsi salınıb, özünə məxsus zikrlər oxunur. Ən mühüm ehsan süfrələrndən biri də “Əbulfəzl” süfrəsidir.
- Əbbasiyələr və ya beytul-Əbbas: O məkanlara deyilir ki, həzrət Abbasın (ə) adı ilə və xüsusilə də əzadarlıq mərasimlərinin təşkili üçün tikilmişdir. Bəziləri yazırlar, bu yerlərdə bir çox mərasimlər keçirilir və Hüseyniyyələrin göstərdiyi fəaliyyətlər ona da şamildir.
- Qazilər günü: İran İslam respublikasının rəsmi təqvimində, Şaban ayının dördüncü günü, həzrət Abbasın doğum günü münasibətilə, “Qazilər günü” olaraq adlandırılmışdır.
- Beşbarmaq: Bəzi şiə yaşayan məntəqələrində beşbarmaq və atribut olaraq istifadə olunur, ələm və yaxud bayrağın yuxarı hissəsinə, həzrət Abbasın (ə) kəsilmiş əllərinin nişanəsi olaraq vurulur. Bəzi şiələr isə onun beş “ali-əba” (beş məsum) nişanəsi olaraq bilir.
Həzrət Abbasa məxsus abidələr və məkanlar
İran və İraq ölkələrində, bəzi yerlər vardır ki, zaman keçdikcə o məkanlara ehtiram edilir və insanlar öz nəzirlərini vermək üçün o yerlərə üz tuturlar və inancları budur ki, nəzir verib təvəssül etdiklərində hacətləri rəva olur.
Həzrət Abbasın (ə) hərəmi (ziyarətgahı)
- Əlavə olaraq baxın: Həzrət Abbasın hərəmi
Həzrət Abbasın dəfn olunduğu yer, Kərbəla şəhərində imam Hüseynin (ə) hərəmini şimal şərqinin 378 metrliyində yerləşir və şiələrin ən mühüm ziyarətgahlarından biri sayılır. Həzrət Abbasla imam Hüseynin (ə) hərəmləri arasında olan məsafəni “Beynəl-hərəmeyn” adlandırırlar.
Bir çox tarixçilərin fikrincə, Abbas (ə) şəhid olduğu yerdə, yəni Əlqəmə çayının kənarında dəfn olunmuşdur, çünki imam Hüseyn (ə) onu başqa şəhidlərdən fərqli olaraq, şəhid olduğu yerdən digər şəhidlərin yanına aparmamışdır.
Bəzi tarixçilərin, o cümlədən Əbdulrəzzaq Müqərrəmin fikrincə, imam Hüseynin (ə), Abbası xeymələrə aparmamasının dəlili, həzrət Abbasın öz istəyi və yaxud həzrət Abbasın bədənində olan çoxsaylı yaraların olmasına görə deyil, bəlkə Hüseyn ibni Əli (ə), istəyirdi qardaşı da özünə məxsus hərəm və mərqədə sahib olsun. Müqərrəm bu sözü üçün heç bir dəlil qeyd etməmişdir.
Kəfful-Əbbas (Abbasın əli) məqamı
“Kəfful-Əbbas” məqamı, Sol əlin düşdüyü yer - Əlavə olaraq baxın: Kəfful-Əbbas
“Kəfful-Əbbas” məqamı, iki yerin adıdır, deyilənlərə əsasən həzrət Abbasın qolları bu iki yerdə bədənindən ayrılmışdır. Bu iki yer, həzrət Abasın (ə) hərəminin şimal şərq və cənub şərq tərəfində və kiçik bazara bənzər iki küçənin girişində yerləşir. Bu iki yerdə nişanələr qoyulmuşdur ki, zəvvarlar o məkanları ziyarət edirlər.
Qədəmgah, səqqaxanə və səqqanifar
- Qədəmgah: İranda həzrət Abbasın (ə) adıyla bağlı bir çox qədəmgahlar vardır ki, insanlar nəzirlərini əda etməyə və ya hacətlərini almaq üçün bu məkanlara gedirlər, o cümlədən bu məkanlarda ibadətlə məşqul olurlar. Bu kimi qədəmgahlardan Semnan, Huveyzə, Buşehr və Şiraz qədəmgahlarına işarə etmək olar. Xəlxalinin yazdığına əsasən, Lar şəhərində də “Nəzirgah” vardır ki, orada yaşayan Sünnü məzhəb davamçıları hər həftənin ikinci günləri nəzirlərini vermək və hacətlərini almaq məqsədilə bu məkana üz tuturlar.
- Səqqaxanə: Şiə məzhəbinin atributlarından biridir. Səqqaxanələr kiçik ölçülərdə və insanların hərəkət etdiyi yol kənarlarında, yoldan keçən insanlara su verib savab əldə etmək məqsədilə tikilir. Səqqaxanə şiə mədəniyyətində, həzrət Abbasın (ə) Kərbəla hadisəsində su paylamasını xatırlayıb, qoruyub-saxlamaq məqsədilədir, odur ki, səqqaxanələri imam Hüseyn (ə) və həzrət Abbasın (ə) adı ilə bəzəyirlər. Bəzi insanlar hacətlərinin qəbul olması üçün bu məkanlarda şam yandırır və yaxud (kiçik parçadan və...) dəxil bağlıyırlar. Dünyanın müxtəlif yerlərində, həzrət Abbasın (ə) adıyla bağlı səqqaxanələr tikilmişdir.
- Səqqanifar: İranın Mazandaran məntəqəsində, keçmiş binalar Səqqanifar və ya səqqatəlar adlarıyla mövcuddur ki, bu məkanlardan əzadarlıq mərasimləri və nəzirlərini əda etmək üçün istifadə edirlər. Bu cür məkanlar çox vaxtlar məscidlərin, Hüseyniyyələrin və ... yaxınlığında tikilir. Səqqanifar adlanan bu yerlər çox zamanlar həzrət Abbasın (ə) adıyla bağlı olur, bəziləri bu cür məkanlara “Əbulfəzli” də deyirlər.
Yorumlar
Yorum Gönder