🌙 Fitrə zəkatı

 ● Fitr bayramının axşamı qürub (günbatan) vaxtı, həddi-büluğa çatmış, aqil (psixi cəhətdən normal vəziyyətdə) olan, ehtiyaclı olmayan (şəri baxımdan fəqir və miskin olmayan) şəxslərə fitrə zəkatı ayırmaq vacibdir.

● Fitrə zəkatı ayırmalı olan şəxs, özünün və Fitr bayramı axşamı qürub çağında onun çörəkyeyəni olan şəxslərin fitrə zəkatını verməlidir.

● Fitrə zəkatını verməli olan şəxsin çörəkyeyənlərinin kiçik və ya böyük, müsəlman və ya qeyri-müsəlman, xərclərinin bu şəxsə vacib olub-olmamasından, öz şəhərində yaşayıb-yaşamasından asılı olmayaraq, onların fitrə zəkatlarını verməlidir.

● Ev sahibinin razılığı ilə onun evində qonaq qalan şəxslərin də fitrə zəkatı ev sahibinin üzərindədir. Amma yalnız Fitr bayramı gecəsi qonaq olan qonağın fitrə zəkatı ev sahibinin öhdəsində deyil.

● Fitrə zəkatı olaraq, 1 sa (təqribən 3 kq) çörək, buğda, düyü və s. və yaxud onların pulu götürülür. Bayram axşamı (Ramazan bayramından öncəki gecə) şam azanından sonra çıxılan fitrə zəkatı, bayram günü bayram namazınadək verilir. Bayram namazını qılmayan şəxs, fitrə zəkatının verilməsini günorta azanınadək təxirə sala bilər.

● Fitrə zəkatı fəqirə, yolda qalan müsafirə, borcluya və s. verilə bilər.

● Fitrə zəkatını möminə vermək müstəhəbdir.

● Ehtiyata əsasən, fitrə zəkatını alkohollu içki içənə və aşkar günah edənə vermək olmaz.

● Fitrə zəkatını verən şəxs, özünün və onun çörəkyeyənləri sayılan insanların fitrəsini ödəməlidir.

● Seyyid olmayan şəxs, seyyidə fitrə zəkatı verə bilməz (belə ki, seyyidlər - Həzrət Peyğəmbərin (s) nəslindəndir və onlara sədəqə qəbul etmək icazə verilmir). Amma seyyid olan şəxs, fəqir seyyidə fitrə zəkatı verə bilər.

● Fitrə zəkatının miqdarı: - 3 kq;

● Cinsi: – arpa, buğda, çörək, düyü və bu kimi ərzaq məhsulları və ya bunların müqabilində pul.

● Bu il üçün adambaşı fitrə zəkatı 3 manat hüdudunda götürülə bilər (meyar olaraq, ailənin adətən yediyi standart 3 kq çörəyin ortalama qiyməti müəyyən edilə bilər. Eyni zamanda, başqa meyarlar da qəbul edilə bilər – məs, 3 kq arpanın pulu və bu kimi).

● Arzu edən şəxs, daha çox məbləğdə fitrə zəkatı ödəyə bilər. Yəni, adambaşı 5 manat, 10 manat, 20 manat, daha çox da götürə bilər – bunun hansısa məhdudiyyəti yoxdur.

● Üzrlü səbəbdən Ramazan ayının orucunu tutmayan şəxs, hər gün üçün 1 manat hüdüdunda fidyə ünvanında fəqirə verə bilər. Arzu edən şəxs, daha çox məbləğdə fidyə ödəyə bilər.

●Verilmə vaxtı:

– bayram namazının qılınma vaxtınadək. Bayram namazı qılmayan şəxs, günortayədək verə bilər .